坪洲金花廟擁有約260年歷史，據聞金花娘娘很靈驗，不少善信特別到廟內求子、求財、求姻緣。當年關德興師傅表示金花娘娘托夢，希望他宣揚金花廟。自此之後，關師傅經常到金花廟參拜，每年農曆四月十七日一定帶領醒獅團到坪洲，為金花娘娘賀誕。關師傅1996年去世，他獲封為「金花廟護法大將軍」，神像放在廟內讓善信供奉。
有關師傅「加持」，而令金花廟越來越多人認識，吸引不少名人包括周梁淑怡、汪明荃、曹達華、林蛟等到廟內參拜。原本沒有人打理的金花廟，現由一位葉女士擔任主持。不過無綫《東張西望》最近收到有善信投訴，其善款去向成疑。
東張西望︳天水圍觀音廟清拆變廢墟 池塘過千靈龜變棄龜捱餓等救【下一頁】
善信方太指葉女士是坪洲原居民，以耕種為生，之後在一間小學工作，退休後開菜檔。方太表示葉女士希望她可以贊助舉辦賀誕，由於賀誕規模越做越大，捐出的善款亦要加碼。除了金花娘娘誕要贊助外，關師傅獲封「護法大將軍」的成道誕亦是「勸捐」的大日子，當中投花炮也是重點環節，投得的錢用以應付賀誕開支、廟宇運作，其餘則為慈善之用，男一善信鄭小姐說：「佢（葉女士）希望每年投炮嘅錢，一年比一年多。」方太亦說：「佢成日叫啲熟人，自己抬高個價錢，抬高咗個價，個氣氛會熾熱啲，而其他人亦投得貴啲！」
根據一張「癸巳年護法大將軍成道寶誕花炮」的競投紀錄，有人以3萬幾、4萬幾、9萬幾、19萬幾元投得花炮，方太表示10年間已捐了160多萬港元。由於是現金付款，所以沒有單據，方太續說：「佢要求現金，話現金唔使去銀行提取，從來都冇收條！開始質疑嘅時候問過佢，但佢唔會畀（收條）我哋……」除了賀誕、擴建金花廟要「勸捐」外，金花廟後面一間名為「上苑」，也是由善信捐錢興建，已移居海外的善信鍾先生透過視像直認捐了4、50萬元給擴充「上苑」之用。
2016年，有人發現葉女士在坪洲興建有6個單位的房子，隨即惹來大家的懷疑，方太說：「我覺得奇怪，因為佢已經退休，開菜檔都唔會賺到咁多錢啦！我就問佢啲錢點嚟，佢話向其他善信借，咁啱我哋識嗰啲善信，我哋咪問佢哋，佢哋話冇借過畀佢……我哋就開始懷疑，會唔會用我哋捐獻嘅錢？」善信們一直追查，發現葉女士與其家族成員，在坪洲已有18個物業；至於葉女士究竟有沒有將善款捐去慈善機構，有善信指葉女士只是捐一、兩千元；之後亦發現在1988年，葉女士與丈夫成立了「坪洲金花廟有限公司」。
東張西望│苦主疑受騙未獲代理權開珍奶店 打格仔事主呼之欲出係袁晴晴？【下一頁】
葉女士曾經以坪洲金花廟有限公司名義登報出聲明，指自己是金花廟唯一合法的管理人，《東張》女主持找到葉女士親自回應，當時葉女士帶點激動，自話自說：「你哋成日話善信捐錢，善信捐咗幾多錢我唔知……邊有善信捐錢？你問吓人，善信有冇捐錢囉？投炮啲錢唔係我，我冇投炮，你記住啦！金花廟有限公司，有會計做數㗎嘛，有冇做過咪知囉！」葉女士強調沒有叫善信捐錢，亦沒有拿善信的錢去買物業，只認成立一間有限公司，為金花廟舉辦活動。
有善信認為金花廟的管理權要搞清楚，《東張》找來坪洲鄉事委員會主席黃漢權，他表示：「呢間係公家廟，理論上唔屬於任何人，我同雙方講，會唔會好似而家天后廟嘅做法，喺每年九月初一擲筊，由神決定來年邊個負責？咁係最公平，善信都話係可以接受嘅方案……無奈另一邊話唔得，因為話嗰間廟係佢。」葉女士就向《東張》言不及義表示︰「我唔會擲筊！如果一個人做錯嘢……冇人做錯嘢，屈你，冇人去決定……你去搵你自己……去決定做某樣嘢，我承認咁做，就係我嘅錯？我做咩要咁做？」葉女士及後找了女兒來，不過其女兒著母親不要再多談，「阿媽，你收聲！乜嘢都唔使講。」
據《東張》指在華人廟宇網頁中，發現坪洲金花廟沒有註冊，《東張》亦訪問了葉慶輝律師，他指香港所有廟宇要根據《華人廟宇條例》註冊，才可合法管理及經營，如沒有註冊就不是合法管理這間廟的機構，非法經營是刑事罪行。報道又指，金花廟廟址和廟後加建的「上苑」，只是寮屋用地，2012年地政總署指金花廟違規改變用途和擴大，葉律師表示：「呢個地方係官地，而家有個寮屋牌照，但冇任何持有人，因為呢度唔係一個住人嘅地方，技術上嚟講，係霸佔官地。」提及善款問題，葉律師指華人廟宇委員會有嚴格規管。
撰文：黃曉妍
同場加映：藝員訓練班│馬浚偉首任校長著重學員操守品德 「尊重行業 唔好以為自己係明星」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】